Ut fees kin beginne!
veer zeen d'r klaor veur
Euveral in Limburg begint al vanalles te borrele... prinse waere oetgeroope, resepsies waere gehawte en hie en dao zeen d'r al bontje aovende.
Zo auch in os durpke aan 't Vlaot, Postert.
Veer es Binnseste Boete Bandj zalle uch auch dit jaor weer gaon vermake mit ooze meziek.
Toet gauw biej de ein of anger aktiviteit.
Feesnaeskes alaaf! Dorsjvlaegels alaaf! Biemösje alaaf! Postert alaaf!
Ut zit d'r weer op!
un zeer geslaag vastelaovessezoen
Ut is vandaag esjgoonsdig en dus zit ut vastelaovessezoen 2010-2011 d'r jaomergenog veur os weer op. Ich dink det ich names de ganse kepel spraek es ich zek: "Ut woor weer un super-geweldig-gaaf-top-sezoen!".
Mede doordet ozze kepelmeister Dennis same mit zien prinses Eef (en ut nuujste lid van os kepel, in de vorm van unne heuse BBBBNIDBVM (BinnesteBoeteBandjBabyNogInneBoekVanneMam) os zeen veurgegange es prinsepaar van de Biemösje, zeen veer auch in ut veursezoen döks mit droetgegange. Hiedoor woore veer dan auch al beheurlik op staum veurdet die daag ech moste beginne.
Langs deze waeg wille veer dan auch alle luuj van Postert, de Biemösje, de Dorsjvlaegels, de Feesnaeskes, ut Boerebroedspaar en heur femilie, de jubilerende kepel Onger Veurbehoud, en alle anger luuj die ich vergaete bön op te numme, mer de Posterse vastelaovend toch make tot un happening wo v'r idder jaor weer naotoe laeve, hertelik bedanke veur ut gewelige feest wat v'r de aafgelaupe daag same mit uch höbbe gemak.
Noe gaon vier os weer effekes oplaaje om mit halfvaste (3 april) weer helemaol op krach te zeen en op dae daag weer vol draan te gaon.
Hawt de foto- en filmkespagina's van dees sait in de gate, want dao kump mit en mit nog vanalles op te staon. En es geer ut leuk vindj, kint g'r nach un berichske achterlaote in oos gastebook.
V'r zeen os!
Welkom!
op de nagelnuuje websait van BBB Postert
Zoea es g'r zeent is ozze websait es duchtig onger henj genomme.
Det waerde auch es tied!
Mer nieks zonger raeje... en die van os is: Dit sezoen hubbe v'r mer leefs 2 (jao twee!) prinse in os kepel. Dit zeen neemes minder es Prins Dennis I (Bustin) van CV de Biemösje, en Prins Koen I (Simons) van JCV de Dorsjvlaegels.
Same mit dees men gaon veer os dit sezoen duchtig gaeve!